ඒ අමා දම් මඟ...

- නව සංස්කරණය -

අටලෝ දහම, චතු ආරිය සත්‍ය දෙසූ
සම්මා සමිඳු මේ මනු ලොව එලිය දුටු
දෙදහස් හයසියක් වසරත් පසුකළෙමු
දම් පිලිවෙත් පුරා දැහැමින් පෙළ ගැසෙමු

එව, බලව'යි කිව හැකි දම් කඳ වැපිරූ
තම නිවීම තම අතමයි පසක් කෙරූ
එම දම් කඳේ පල නෙලුමට මඟ පෙන්වූ
මා හිමි සඳුනි සුදම් කඳෙහි අප ගිල්වූ

සිව් වන පිරිසකට ශ්‍රාවක පිරිස බෙදා
ඒ ඒ පරිදි ඔවදන්-විනකම් පනවා
සසරේ දුකින් මිදුමට මඟ විවර කලා
පින්වත් මහ පිරිස් සසරින් අත් මිදුනා

ගිහිගෙය දුකකි කරදරයකි බව දන්න
ඒ ගැන සිතා වැඩ කටයුතු කර ගන්න
කුසල් වලින් දිවිමග නිති පුරවන්න
ගිහි ගෙය තුලම සිට හැකි නොවැ, සිහිගන්න

දම් මඟ සුවය විඳුමට සිත යොමු කරමු
සසර ගමන දුක් බව වටහා ගනිමු
ගිහිගෙය දුකකි ඒ බාධක ජයගනිමු
සසරින් එතර වීමට නිති වෙර දරමු

බුද්ධි මල්ලව

2013-4-24